kai kehte hai

tujhse milke zara khud ko badla hai maine;

kai sehte hai

itni saari baatein, ki pehle na kabhi kaha hai maine;

yeh jo chalta hoon aaj in musukuraahato ke saath,

kai mod the pehle bhi, par khud ko na aaj roka hai maine;

jeene se pehle marne ka khauff sabhi mein palta hai

kuch dino se kai baar jeena seekha hai maine;

sheesho ke mehel dilchasp to the pehle se,

sheesho se tera chehra aksar yaha se guzarte, dekha hai maine;

zikr tanhaai ka jab hota hai, khamosh sa chala jaata hoon us mehfil se,

khud ki parchaaiyo mein tere saayo ko pehchaana hai maine;

tujhe shaayad yeh yaad bhi nahi ki tune aisa hai kya kiya,

saari khalaao ki azeem-e-noor kuch de'r se paaya hai maine;

tujhse shaayad yeh na bhi izhaar kar paau kabhi,

par tere hi sang rehne ki har dua us khuda ko dohraaya hai maine...