ise dhalne na do

Udne lage hai saare par khwaab ke,

Hakeekat hai saamne meri aankhon ke;
Reth pe dikhe nishaan the chode jo kal ke,
Ajab si hai yeh dhadkane inhi rishto ke;
Khanke khanke choodiya hai,
Mitne ko ab dooriya hai,
Saare gham au’ saare shikve
Lagte hai ab nipte nipte
Shab ki pehli shaam hai yeh
Ise dhalne na do…

Jis mod par the hum tum mile,
Us mod par chode, gul hai khile
Masoom hai, hairaan bhi;
Maloom hai, anjaan bhi;
Chalke chalke rang se hai,
Bechaini mein dang se hai;
Ashqein, khushiyaa aur sapne
Mujhse hai sab lipte lipte,
Shab ki pehli shaam hai yeh,
Ise dhalne na do…

Khamoshiyo se kehti sadaayein
Madhoshiyon mein rehti adaayein
Muskaati hai, sharmaati bhi
Dohraati hai, ghabraati bhi
Halke halke pal khile hai
Khoye se jo kal mile hai
Nazrein, ghadiyaa aur rishtey
Pal ko saare hai simte simte
Shab ki pehli shaam hai yeh
Ise dhalne na do…

wajood

aksar lamho mein ulajhta hoon main,
kuch jawaabon mein sualajhta hoon main;
sheeshon mein khud ko dhoondu main jab,
khud ki parchaaiyon se poochta hoon main -
aaj to jee utha hai tu,
aaj to jee raha hai tu,
sach yeh bata, tu hai kaun?